ლეგენდარულმა იტალიელმა ფეხბურთელმა, ფრანჩესკო ტოტიმ, ფეხბურთში 48 წლის ასაკში დაბრუნება არ გამორიცხა.
„ცხოვრებაში წინასწარ ვერაფერს იტყვი. წარსულში უკვე გვქონდა მაგალითები, როცა ფეხბურთელები რამდენიმეწლიანი პაუზის შემდეგ მოედანს დაუბრუნდნენ.
სერია ა-ში სათამაშოდ მე კარგად ვარჯიში მომიწევს. ჩემპიონატის რამდენიმე კლუბი ბოლო პერიოდში უკვე დამიკავშირდა კიდეც.
ეს რამდენიმე თვის წინ მოხდა და თავში იდეა გამიჩინა. საკუთარ თავს ვკითხე: "ამდენწლიანი უქმობის შემდეგ, რატომ მოუნდათ მათ ჩემთან მოსვლა?" ვფიქრობ, სათამაშოდ მზად ორ თვეში ვიქნები." - უთხრა ტოტიმ Betsson Sport-ს.
ფრანჩესკო ტოტიმ საფეხბურთო კარიერა 2017 წელს, მშობლიურ რომაში დაასრულა.
