ავტორიტეტული ჟურნალისტები - ფაბრიციო რომანო, სანტი აუნა და მატეო მორეტო ვიქტორ ოსიმენის შესახებ ინფორმაციას ავრცელებენ.
მათი თქმით, ნიგერიელმა თავდამსხმელმა ალ ჰილალის შეთავაზება უარით გაისტუმრა.
მიუხედავად არაბულ კლუბსა და ნაპოლის შორის შეთანხმებისა (75 მილიონი ევრო), ოსიმენმა საუდის არაბეთის პრო ლიგაში გადასვლაზე უარი განაცხადა.
გალათასარაი ვიქტორის დამატებისთვის ბრძოლას აგრძელებს, თურქული კლუბის შეთავაზება ნიგერიელს მაგიდაზე უდევს.
ალ ჰილალს კი სამედიცინო შემოწმება უკვე ჩანიშნული ჰქონდა და მზად იყო ტრანსფერი მსოფლიო საკლუბო ჩემპიონატის დაწყებამდე დაეხურა, თუმცა კლუბმა ოსიმენის უარი ფორმალურად მიიღო.
L'Equipe-ის ცნობით, არაბები ნიგერიელს ანაზღაურების სახით წელიწადში 40 მილიონ ევროს სთავაზობდნენ.
