კრისტალ პალასის კონფერენს ლიგის მეოთხედფინალი ფიორენტინას წინააღმდეგ მასპინძლებისთვის გეგმის მიხედვით მიმდინარეობდა. მათ პირველი ტაიმი ორბურთიანი უპირატესობით დაასრულეს.
თუმცა, სელჰერსტ პარკზე მეორე ტაიმის დაწყებამ ცოტა უჩვეულო მიზეზით დაიგვიანა. ჰოლმსდეილ როუდ ენდის ტრიბუნაზე მყოფმა გულშემატკივრებმა იმ კარისკენ, რომელიც შესვენების შემდეგ დავიდ დე ხეას უნდა დაეცვა, ტუალეტის ქაღალდის უამრავი რულონი ისროლეს.
მანჩესტერ იუნაიტედის ყოფილ მეკარესა და მის თანაგუნდელ მარინ პონგრაჩიჩს მოუწიათ, სტადიონის თანამშრომელს მოედნისა და კარის ბადის ქაღალდებისგან გაწმენდაში დახმარებოდნენ.
პალასის გულშემატკივრები ცნობილნი არიან თავიანთი თავგამოდებული მხარდაჭერით, მაგრამ ოლივერ გლასნერის გუნდის ქომაგებისგან ეს ნამდვილად მოულოდნელი და უნიკალური მიდგომა იყო.
აი clean sheet-ის ახლებური გაგებაც!
