გიზი მამაგეიშვილი მინდორს შედეგიანად დაუბრუნდა

გიზი მამაგეიშვილი ნაკრებში მიღებული ტრავმის შემდეგ მოედანს დაუბრუნდა.

23 წლის ნახევარმცველი მინდორს ევროპა ლიგის მატჩში, სლოვენიურ ცელიესთან, მატჩის 85-ე წუთზე დაუბრუნდა, როცა მისი გუნდი 1:3-ს აგებდა.

მსაჯის მიერ კომპენსირებულ მესამე წუთზე გიზიმ დიაკიტეს გაატანინა და სხვაობა ერთამდე შემცირდა, თუმცა ამან ავსტრიული გუნდი მარცხისგან ვერ იხსნა (2:3).

შეგახსენებთ, რომ გიზი მამაგეიშვილმა ტრავმა ჩრდილოეთ ირლანდიისა და საქართველოს მატჩში მიიღო, რომელიც ფრედ, 0:0 დასრულდა.

ამის გამო ფეხბურთელს კლუბში შვიდი მატჩი გაუცდა, რამაზ სვანაძემ კი ის ნოემბრის მატჩებისთვის განაცხადში არ შეიყვანა.