რატომ იმართება ისრაელისა და თურქეთის კლუბების შეხვედრა საქართველოში?

უეფას გადაწყვეტილებით, ევროპა ლიგის მე-5 ტურის მატჩი, დიდი ალბათობით, საქართველოში, ქალაქ ბათუმში გაიმართება.

მატჩში თურქული ბეშიქთაში ისრაელის ჩემპიონ ჰაპოელ ბეერ შევას შეხვდება.

როგორც თურქული კლუბის პრეზიდენტმა სერდალ ადალიმ განაცხადა, უეფამ სტამბოლში დაგეგმილი ეს დაპირისპირება სარისკოდ მიიჩნია და კლუბს ნეიტრალური მოედნის მოძიება დაავალა.

მიუხედავად იმისა, რომ თურქული მხარე უეფას ამ გადაწყვეტილებით უკმაყოფილოა და საშინაო არენაზე თამაშს ითხოვდა, შეხვედრას, სავარაუდოდ, ბათუმის სტადიონი უმასპინძლებს და მას გულშემატკივრებიც დაესწრებიან.

ბეშიქთაშისა და ჰაპოელის მატჩი 26 ნოემბერს არის ჩანიშნული.