პარიზის რეკორდული ოლიმპიადა

პარიზის ოლიმპიადა დასრულდა და შეგვიძლია 2024 წლის ოლიმპიური თამაშები საინტერესო ფაქტებით შევაჯამოთ.

ოლიმპიადა 19 დღის განმავლობაში გაგრძელდა, სადაც 206 ქვეყნისა და ლტოლვილთა ოლიმპიური გუნდების წარმომადგენლები ასპარეზობდნენ. სულ 32 სპორტის სახეობა და 48 დისციპლინა ვიხილეთ. დებიუტი ჰქონდა ბრეიკდანსს და კიდევ 3 ახალი სპორტის სახეობა, რომელიც დებიუტანტი ტოკიოში იყო, პარიზშიც ვნახეთ - სკეიტბორდინგი, სპორტული ცოცვა და სერფინგი.

სულ 329 სამედალო ღონისძიება გაიმართა, ჯამში კი 5048 მედალი იყო დამზადებული, რომელიც ეიფელის კოშკის შემადგენელ მასალას შეიცავდა.

საინტერესოა, რომ 10 დისციპლინაში 125 ოლიმპიური რეკორდი დამყარდა, 8 დისციპლინაში კი - 32 მსოფლიო რეკორდი.

მედალი 91 ქვეყნისა და ლტოლვილთა ოლიმპიური გუნდის წარმომადგენელმა აიღო, ოთხ ქვეყანას კი ისტორიაში პირველი ოლიმპიური ჩემპიონი ჰყავს:

ბოტსვანა - ლეტსილე ტებოგო - მძლეოსნობა

დომინიკა - ტეა ლაფონდი - მძლეოსნობა

გვატემალა - ადრიანა რუანო ოლივა - სროლა

სენტ ლუსია - ჟულიენ ალფრედი - მძლეოსნობა

ისტორიაში პირველი მედალი აიღო ლტოლვილთა ოლიმპიური გუნდის წარმომადგენელმა - სინდი ნგამბა (ბრინჯა) - კრივი

ისტორიაში პირველი მედალი მოიპოვა ოთხმა ქვეყანამ:

ალბანეთი - ჩერმენ ვალიევი (ბრინჯაო) - ჭიდაობა

კაბო ვერდე - დავიდ დე პინა (ბრინჯაო) - კრივი

დომინიკა - ტეა ლაფონდი (ოქრო) - მძლეოსნობა

სენტ ლუსია - ჟულიენ ალფრედი (ოქრო) - მძლეოსნობა

აღსანიშნავია, რომ პარიზის ოლიმპიადა ისტორიაში პირველი გენდერულად თანაბარი ოლიმპიური თამაშები იყო. 196 დელეგაციას ორი მედროშე ჰყავდა - კაცი და ქალი. სრული გენდერული თანაბრობა 32-დან 28 სპორტში იყო.

სულ აღნიშნულ სპორტულ ღონისძიებებზე 9.5-დან 10 მილიონ ბილეთამდე გაიყიდა.

სპორტები, სადაც ოლიმპიირი თამაშების რეკორდები დამყარდა:

შვიდკაცა რაგბი - 530 ათასი მაყურებელი

ხელბურთი - 500 ათასი მაყურებელი

პლაჟის ფრენბურთი - 450 ათასი მაყურებელი

მხოლოდ 30 ივლისს პარიზში სპორტულ ღონისძიებებს 743 ათასი ადამიანი დაესწრო.

პარიზის ოლიმპიადის ტრიუმფატორი აშშ გახდა

ისტორიაში საუკეთესო ოლიმპიადა - საქართველოს ოლიმპიური თამაშების შეჯამება ციფრებში