ყოფილმა ჩემპიონმა ალექს პერეირამ მძიმე წონით კატეგორიაში გადასვლის მსურველ ალექსანდრ რაკიჩს საკუთარი გამოცდილება გაუზიარა.
ავსტრიელმა სპორტსმენმა ზედიზედ ოთხი მარცხის შემდეგ წონის შეცვლა გადაწყვიტა და აწონვის ცერემონიალზე 107.7 კილოგრამი დააფიქსირა.
თავად პერეირას დებიუტი ახალ დივიზიონში წარუმატებელი აღმოჩნდა, თუმცა ბრაზილიელი თვლის, რომ ამ შეცდომამ მას ბევრი რამ ასწავლა. ქომაგებთან შეხვედრისას პოატანმა განაცხადა:
ამ დივიზიონში ასვლისას მთავარი წონაა, რადგან ვარჯიში იგივეა. ჩემი სხეული ბუნებრივად მომატებულ წონას მიჰყვა და უბრალოდ გზას აგრძელებ
ღონისძიებაზე მძიმე წონაში სადებიუტო ბრძოლა ჯონი უოლკერსაც უნდა ჩაეტარებინა, თუმცა მეტოქის ტრავმის გამო ოქტაგონზე გასვლა ვერ მოახერხა. ბრაზილიელი მებრძოლი ახალ ორთაბრძოლას ოქტომბერში მიკ პარკინის წინააღმდეგ გამართავს.
