ინტერის მცველი დენზელ დუმფრისი კარიერას მადრიდის რეალში გააგრძელებს.
დანი კარვახალის წასვლის შემდეგ, რეალი მარჯვენა მცველის პოზიციის გაძლიერებას გამოცდილი ფეხბურთელით აპირებდა და დუმფრისის შეძენა გადაწყვიტა, რომლის გამოსყიდვაც ინტერიდან 31 ივლისამდე 20 მილიონ ევროდ არის შესაძლებელი.
ამ გამოსასყიდი თანხის არსებობის გამო, მადრიდელებს ინტერთან მოლაპარაკებებიც არ დასჭირდათ, მხოლოდ ფეხბურთელს შეუთანხმდნენ პირად კონტრაქტზე.
როგორც ესპანელი ჟურნალისტი Ramon Alvarez de Mon-ი იტყობინება, ტრანსფერი შეთანხმებულია და თუ კვირას, 7 ივნისს, ფლორენტინო პერესი საპრეზიდენტო არჩევნებს მოიგებს, დუმფრისი, ისევე როგორც ჟოზე მოურინიო და იბრაიმა კონატე, რეალს შეუერთდება.
აქვე იმასაც გეტყვით, რომ დუმფრისის შეძენით ლივერპულიც ინტერესდებოდა, თუმცა ფეხბურთელმა თავისი პრიორიტეტი რეალს მიანიჭა.
