ფაბრიციო რომანოს ინფორმაციით, მადრიდის რეალი ამ ზაფხულს მარჯვენა მცველის დამატებას პრიორიტეტად მიიჩნევს და შესაძლო სამიზნეებად დენზელ დუმფრისი, პედრო პორო და ივან ფრესნედა ჰყავს შერჩეული.
სამეფო კლუბი ცდილობს გააძლიეროს ეს პოზიცია და კონკურენცია შეუქმნას ტრენტ ალექსანდერ-არნოლდს დანი კარვახალის წასვლის შემდეგ.
დუმფრისი ინტერიდან შესაძლო წასვლას უკავშირდება. მისი 25 მილიონი ევროს ოდენობის გამოსასყიდი თანხა ამ ზაფხულს გააქტიურდება. მისი მდგომარეობით ბარსელონაც ინტერესდება.
პოროს ტოტენჰემთან კონტრაქტი 2028 წლამდე აკავშირებს. გასულ სეზონში მან ყველა ტურნირზე 47 მატჩი ჩაატარა, 2 გოლი გაიტანა და 6 საგოლე გადაცემა შეასრულა. ის ესპანეთის ნაკრების შემადგენლობაში მსოფლიო ჩემპიონატზეც ითამაშებს.
ფრესნედამ, რომელმაც გასულ სეზონში სპორტინგის მაისურით 39 მატჩი ჩაატარა, 1 გოლი გაიტანა და 2 საგოლე გადაცემა მიითვალა. მას კლუბთან კონტრაქტი 2028 წლამდე აკავშირებს.
