მანჩესტერ სიტის ესპანელმა ნახევარმცველმა, როდრიმ, პრესკონფერენციაზე განაცხადა, რომ საკუთარ მომავალზე ფიქრს მხოლოდ 2026 წლის მსოფლიო ჩემპიონატის დასრულების შემდეგ აპირებს.
29 წლის ფეხბურთელს ინგლისურ კლუბთან კონტრაქტის ამოწურვამდე 12 თვე აშორებს, მის სახელს კი აქტიურად უკავშირებენ მადრიდის რეალს.
როდრი მადრიდის რეალის პრეზიდენტობის კანდიდატის, ენრიკე რიკელმეს მთავარ სატრანსფერო სამიზნედ იქცა, რომელიც მიმდინარე უქმეებზე დაგეგმილ არჩევნებში ფლორენტინო პერესს უპირისპირდება. მიუხედავად ამისა, ოქროს ბურთის მფლობელი ამჟამად სრულად ესპანეთის ნაკრების ამერიკულ მუნდიალზეა კონცენტრირებული:
აქ მსოფლიო ჩემპიონატზე სასაუბროდ ვართ. ყველაფერს, რაც ჩემს მომავალს ეხება, ტურნირის დასრულებამდე გადავდებ. როდესაც ფეხბურთელს კონტრაქტი უმთავრდება, ჭორები ნორმალურია. მე აბსოლუტურად მშვიდად ვარ. მუნდიალი რომ არა, შესაძლოა, ახლა ყველაფერი სხვაგვარად ყოფილიყო
ესპანელმა საყრდენმა მანჩესტერ სიტიში გატარებული 7 წლის განმავლობაში თითქმის 300 მატჩი ჩაატარა, 4-ჯერ მოიგო პრემიერლიგა და მისი გოლით გუნდმა 2023 წელს ჩემპიონთა ლიგაც დაისაკუთრა. თუმცა, 2024 წლის სექტემბერში მიღებული ჯვარედინი იოგების მძიმე ტრავმის შემდეგ, მას სტაბილურობის აღდგენა უჭირს. როდრიგომ ჯერ კიდევ მარტში, Onda Cero-სთან ინტერვიუში, არ დამალა სამშობლოში დაბრუნების სურვილი და აღნიშნა, რომ მსოფლიოს საუკეთესო კლუბებს უარს ვერავინ ეუბნება, თუნდაც წარსულში ატლეტიკოს ფეხბურთელი ყოფილიყო.
