პერესს არბელოას გაშვება სურს - კლუბი ორად გაიყო

ერთ-ერთი ყველაზე მნიშვნელოვანი გადაწყვეტილება, რომელიც მადრიდის რეალმა ზაფხულში უნდა მიიღოს, ახალი მწვრთნელის არჩევაა.

ალვარო არბელოას ხელმძღვანელობით გუნდის მოგებათა მაჩვენებელი უბრალოდ არ არის საკმარისად კარგი. ის ფაქტი, რომ მენეჯერმა ვერცერთი ტიტულის მოპოვება ვერ შეძლო, გადამწყვეტი ფაქტორი იქნება. მიუხედავად იმისა, რომ სამწვრთნელო ცვლილება გარდაუვალი ჩანს, არბელოას გასახდელის სრული მხარდაჭერა აქვს. აღსანიშნავია, რომ მის პერიოდში შიდა დაპირისპირებები გუნდში მკვეთრად შემცირდა.

მადრიდის რეალის პრეზიდენტს, ფლორენტინო პერესს სეზონის ბოლოს არბელოას გათავისუფლება სურს და მტკიცედ სჯერა, რომ ცვლილება აუცილებელია.

დირექტორთა საბჭოს ზოგიერთი წევრი კი მიიჩნევს, რომ მიმდინარე მწვრთნელს მეტი დრო უნდა მიეცეს საკუთარი შესაძლებლობების დასამტკიცებლად. ისინი მხარს უჭერენ მის დარჩენას მომავალ სეზონშიც, რათა მას გუნდის რესტრუქტურიზაციისთვის გარკვეული დრო ჰქონდეს.

ამრიგად, შიდა განხეთქილებაა იმ წევრებს შორის, რომლებიც მის დარჩენას ითხოვენ და მათ შორის, ვინც ამის კატეგორიული წინააღმდეგია ფლორენტინო პერესის მეთაურობით. კლუბის პრეზიდენტი თვლის, რომ რეალს სჭირდება გამოცდილი მწვრთნელი, ვინც გასახდელში კონტროლს შეინარჩუნებს.

უკვე განიხილება რამდენიმე კანდიდატურა, მათ შორის დეშამი, მაურისიო პოჩეტინო, ლიონელ სკალონი და იურგენ კლოპი. საბოლოო გადაწყვეტილებას ივნისში მიიღებენ.