ფიფა მუნდიალზე „წყლის შესვენებების“ დროს რეკლამებზე გადართვის უფლებას დაუშვებს

The Athletic-ის ცნობით, ფიფა 2026 წლის მსოფლიო ჩემპიონატის თითოეული მატჩის ორივე ტაიმში დაგეგმილი „წყლის შესვენებების“ დროს მაუწყებლებს რეკლამების ჩართვის უფლებას მისცემს.

ფეხბურთის მსოფლიო მმართველმა ორგანომ დეკემბერში განაცხადა, რომ მსოფლიო ჩემპიონატზე თითოეული 45-წუთიანი ტაიმის შუაში სამი წუთიანი შესვენება დაინერგება.

ფიფამ ეს შესვენებები „მოთამაშეთა კეთილდღეობის“ ზომად წარმოადგინა, თუმცა აღნიშნა, რომ „ამ გადაწყვეტილებას არ ექნება კავშირი ამინდთან ან ტემპერატურასთან, ყველა მატჩში შესვენებას მსაჯი გამოაცხადებს.“

ფიფას ოფიციალურმა პირებმა ცვლილება მაუწყებლობის სფეროს ხელმძღვანელებთანაც განიხილეს, და სამმა წყარომ The Athletic-ს დაუდასტურა, რომ მაუწყებლებს ექნებათ უფლება მატჩის ტრანსლაციიდან დროებით გავიდნენ რეკლამებზე, ისე, როგორც ეს ხდება ტაიმებს შორის ან კალათბურთსა და ამერიკულ ფეხბურთში ტაიმაუტების დროს.

მსოფლიო ჩემპიონატი 11 ივნისიდან 19 ივლისამდე გაიმართება.