საქართველოს ნაკრებმა 2026/27-სეზონის ერთა ლიგის გათამაშება სრული კრახით დაასრულა.
ჩვენი ნაკრები მთელ ერთა ლიგაზე, ყველა დივიზიონის გათვალისწინებით (A, B, C და D) ერთადერთი გუნდი აღმოჩნდა, რომელმაც ტურნირი გატანილი გოლის გარეშე დაასრულა.
პირველ მატჩში ვილი სანიოლის და შემდეგ რამაზ სვანაძის გუნდმა ტურნირი 0 გატანილი და 5 გაშვებული გოლით დაასრულა, 2 ფრე ითამაშა და 4-ჯერ დამარცხდა.
გარდა ამისა, უკრაინასთან ბოლო ტურში წაგებული (0:1) მატჩით, ნაკრების ანტირეკორდული მშრალი სერია კიდევ უფრო გაგრძელდა - აქამდე, საქართველოს ნაკრებს ზედიზედ ექვსი მატჩი გატანილი გოლის გარეშე არასდროს დაუსრულებია.
აქამდე, ანტირეკორდი 2013 წელს, თემურ ქეცბაიას ნაკრებს ჰქონდა დაფიქსირებული, რომელმაც ზედიზედ ოთხ მატჩში ვერ შეძლო მეტოქის კარის აღება.