ერთა ლიგის B დივიზიონის ჯგუფური ეტაპის ბოლო მატჩში საქართველოს ეროვნული ნაკრები უკრაინასთან დამარცხდა.
შეხვედრა ნეიტრალურ სტადიონზე, სლოვაკეთში გაიმართა და უკრაინელების გამარჯვებით 1:0 დასრულდა.
მატჩის ერთადერთი გოლი შეხვედრის პირველივე წუთზე სიკანმა გაიტანა, რომელმაც ზურიკო დავითაშვილის შეცდომით ისარგებლა და მამარდაშვილს აუღებლად დაურტყა.
რამაზ სვანაძის გუნდი ანგარიშის გათანაბრებას აქტიურად ცდილობდა, მეორე ტაიმში მწვრთნელი ვა-ბანკზეც წავიდა, როცა შემტევები დაამატა მოედანზე, თუმცა ამან შედეგი ვერ გამოიღო და მთელი ერთა ლიგა გატანილი გოლის გარეშე და 6 მატჩში განცდილი 4 მარცხით დავასრულეთ.
მატჩის მიწურულს მეორე ყვითელი ბარათი მიიღო და მოედანი ნაადრევად დატოვა ლუკა ლოჩოშვილმა, რომელიც B დივიზიონში დასარჩენი პლეიოფის მინიმუმ ერთ თამაშს მაინც გამოტოვებს.
ამრიგად, საქართველოს ნაკრები 2 ქულით ბოლო ადგილზე გავიდა და მარტში C დივიზიონის რომელიმე მეორეადგილოსანთან მოუწევს B დივიზიონში დასარჩენი ორმატჩიანი დუელის ჩატარება.
ჯგუფი კი ასე დასრულდა:
1. ჩრდილოეთ ირლანდია - 12 ქულა
2. უნგრეთი - 11 ქულა
3. უკრაინა - 7 ქულა
4. საქართველო - 2 ქულა.