ტაისონ ფიურისა და ენტონი ჯოშუას ბრძოლა ნამდვილად შედგება, თუმცა მანამდე ჯოშუამ ფორმა უნდა აღიდგინოს.
Ring Magazine-მა გაავრცელა ინფორმაცია, რომ ნანატრი ფიური vs. ჯოშუას დაპირისპირება 2026 წლის მე-4 კვარტალშია დაგეგმილია. თუმცა ეს ჯოშუას შემდეგი ბრძოლა არ იქნება - გამოცემამ ასევე დაადასტურა, რომ ჯოშუა ჯერ 25 ივლისს რიადში (საუდის არაბეთი) კრისტიან პრენგას დაუპირისპირდება.
ჯოშუას (29-4) რინგზე დაბრუნება ალბანელ პრენგასთან (17-1) შედგება, რომელმაც ბოლოს 2025 წლის იანვარში ხუან ტორესი მე-2 რაუნდში ნოკაუტით დაამარცხა.
მიუხედავად იმისა, რომ ჯოშუამ გასული წლის დეკემბერში იბრძოლა, ეს უფრო საჩვენებელი შეხვედრა იყო ინფლუენსერ მოკრივე ჯეიკ პოლთან. ჯოშუა აშკარა ფავორიტი იყო და საკმაოდ მარტივად ებრძოდა პოლს, სანამ მე-6 რაუნდში ძლიერი დარტყმებით არ დაასრულებდა ბრძოლას.
მისი ბოლო საჩემპიონო ბრძოლა 2024 წლის სექტემბერში შედგა, როდესაც მან IBF-ის მძიმე წონის ჩემპიონ დენიელ დუბუასთან მარცხი განიცადა. დუბუასთან ბრძოლის წინ ჯოშუამ ნოკაუტით დაამარცხა UFC-ის ყოფილი ჩემპიონი ფრენსის ნგანუ, თუმცა მას შემდეგ გამოცდილ მოკრივეს აღარ მოუგია.
ჯოშუა პირველად იბრძვის მას შემდეგ, რაც გასული წლის დეკემბერში ნიგერიაში ავტოავარიაში მოყვა, რასაც ტრაგიკულად ემსხვერპლნენ მისი ახლო მეგობრები და მწვრთნელები - სინაჰ ღამი და ლატიფ აიოდელე.
პრენგას 2017 წლიდან მოყოლებული ზედიზედ 13 გამარჯვება აქვს და ყველა მათგანი ნოკაუტით ან ტექნიკური ნოკაუტით მოიპოვა.
ფიური (35-2-1) ფართოდ ითვლება კრივის ისტორიაში ერთ-ერთ საუკეთესო მძიმე წონოსნად. კარიერის დასაწყისში მან 34-0-1 რეკორდი დააგროვა და არაერთი ჩემპიონობა მოიპოვა, თუმცა 2024 წელს კარიერაში პირველი მარცხი განიცადა, როდესაც ოლექსანდრ უსიკთან გაყოფილი გადაწყვეტილებით წააგო.
იმავე წელს მათ განმეორებითი ბრძოლაც გამართეს, სადაც უსიკმა კვლავ გაიმარჯვა, რის შემდეგაც ფიურიმ კარიერის დასრულება გამოაცხადა.
თუმცა, როგორც წარსულშიც არაერთხელ მოხდა, ფიურიმ დაბრუნება გადაწყვიტა და 11 აპრილს არსლანბეკ მახმუდოვთან დამაჯერებელი გამარჯვებით წარმატებული ქამბექი შედგა.
ახლა ის ჯოშუას მომავალი ბრძოლის შედეგს ელოდება, ხოლო გულშემატკივრები მოუთმენლად ელიან, რომ კრივის ორი დიდი ბრიტანელი ვარსკვლავი საბოლოოდ ერთმანეთს დაუპირისპირდებიან.
