ფრანგული, გერმანული და ნიდერლანდური კლუბები წიტაიშვილით ინტერესდებიან

მიუხედავად იმისა, რომ გასულ სეზონში მეცი ლიგაში ბოლო ადგილზე გავიდა და დაქვეითდა, გიორგი წიტაიშვილმა მაინც შეძლო თავის წარმოჩენა.

25 წლის ქართველი გარემარბი რთულ გუნდურ ვითარებაშიც გამორჩეული იყო და სეზონი 3 გოლითა და 2 საგოლე გადაცემით დაასრულა.

ფრანგულ კლუბთან კონტრაქტის დასრულების შემდეგ წიტაიშვილი თავისუფალი აგენტი გახდა და მისი მრავალმხრივი შემტევი პროფილი მიმდინარე სატრანსფერო ფანჯარაზე არაერთი კლუბის ყურადღებას იპყრობს.

მიუხედავად იმისა, რომ ფეხბურთელს კარიერის სხვა ქვეყანაში გაგრძელების შესაძლებლობაც აქვს, ის შესაძლოა საფრანგეთში დარჩეს.

Footmercato-ს ინფორმაციით, ლორიანი მის მიმართ განსაკუთრებულ ინტერესს იჩენს და ფეხბურთელთან უკვე პირველი კონტაქტიც დაამყარა. თავად წიტაიშვილსაც ლიგა 1-ში დარჩენა სურს.

თუმცა, ლორიანს სწრაფად მოქმედება მოუწევს, რადგან ქართველი ფეხბურთელის მიმართ უცხოური კლუბებიც აქტიურობენ. გერმანული ფრაიბურგი და ნიდერლანდური „პსვ ეინდჰოვენი მისი მდგომარეობის განვითარებას ყურადღებით აკვირდებიან.