პსჟ და ლუის ენრიკე ახალი კონტრაქტის თაობაზე მოლაპარაკებებს იწყებენ.
Le Parisien-ის ინფორმაციით, მხარეებს შორის ახალი ხელშეკრულების გაფორმების თაობაზე დიალოგი უკვე დაწყებულია. კლუბის ხელმძღვანელობა ამ პროცესს პრიორიტეტად მიიჩნევს და ესპანელ სპეციალისტს მსოფლიოს საუკეთესო მწვრთნელად აფასებს. პარიზში მასთან განშორების შესაძლებლობას არც კი განიხილავენ.
თავად ენრიკეც კმაყოფილია არსებული მდგომარეობითა და ხელმძღვანელობასთან ურთიერთობით.
„ის ბედნიერია პარიზში და პსჟ-ში“, — აცხადებს გამოცემის წყარო.
ლუის ენრიკეს მოქმედი კონტრაქტი კლუბთან 2027 წლამდეა ძალაში. საფრანგეთის ჩემპიონებს სურთ, შეთანხმება მაქსიმალურად დიდი ვადით გაახანგრძლივონ.
