პსჟ-მ ბარკოლას ასტრონომიული ფასი დაადო

ლივერპულმა პსჟ-ს ვინგერის, ბრედლი ბარკოლას ტრანსფერზე წინასწარი მოლაპარაკებები გამართა.

ამის შესახებ ჟურნალისტი ბენ ჯეიკობსი იტყობინება.

კლუბებს შორის ოფიციალური მოლაპარაკებები ჯერ არ დაწყებულა, თუმცა შესაძლოა უახლოეს მომავალში დაიწყოს.

23 წლის ფორვარდის გარიგება სატრანსფერო თანხაზეა დამოკიდებული. ფრანგული კლუბი მოთამაშეს 170 მილიონ ევროდ აფასებს, თუმცა მერსისაიდელებს ფასის შემცირება სურთ.

ლივერპულში ითვალისწინებენ ბარკოლას სურვილს, დატოვოს პსჟ, ასევე იმ ფაქტს, რომ მას კონტრაქტით კიდევ ორი წელი დარჩა.

ინგლისურ კლუბში თვლიან, რომ თუ ტრანსფერზე შეთანხმება ამ ზაფხულს ვერ შედგება, პსჟ რისკავს, 2027 წელს ფეხბურთელი ბევრად იაფად დათმოს, იმის გათვალისწინებით, რომ მას ახალი ხელშეკრულების გაფორმება არ სურს.