ქართული საკალათბურთო კლუბი კავკასია 2026-27 წლების სეზონში ჩრდილოეთის ლიგაში იასპარეზებს.
აღნიშნული ტურნირი თავდაპირველად ჩრდილოეთ ევროპის გუნდებს აერთიანებდა, თუმცა დროთა განმავლობაში მისი გეოგრაფია გაფართოვდა და მასში კვიპროსული, ხორვატული და ქართული კლუბებიც ჩაერთნენ.
კავკასია A ჯგუფში მოხვდა, სადაც მისი მეტოქეები იონავა, ლიეპაია, ბრისტოლი, ჰეფტე ჰელფენი, ლოზანა, მიტელდოიჩერი, ტინდასტოლი და ხორვატიის ერთ-ერთი გუნდი (ალკარი, დინამო ზაგრები, დუბრავა ან ზაბოკი) იქნებიან. რაც შეეხება B ჯგუფს, იქ ანვილი, სპარტაკი პლევენი, ვოლუნტარი, გრონინგენი, ფაილინიგენი, ზრინსკი, ტალტეჩი, აელ და ხორვატიის კიდევ ერთი წარმომადგენელი იასპარეზებენ.
კავკასიის საერთაშორისო უნივერსიტეტის საკალათბურთო კლუბი ევროპული სეზონისთვის აქტიურად ემზადება და შემადგენლობა უკვე დაკომპლექტებულია. გუნდმა კონტრაქტები დავით კაკუშაძესთან, აკაკი დვალიშვილთან, რევაზ როგავასთან, სანდრო სანაძესთან, გეგი ბაქრაძესთან, ალექსანდრე ვაშაკიძესთან, გიორგი კოსტავასთან, ჯასტინ ფორესტთან, შამარ რაითთან, ტომი ლუისთან და ბრეილენ ბრიჯესთან გააფორმა, ხოლო გუნდს ბექა წივწივაძე წვრთნის.
