ჩემპიონთა ლიგა იწყება - უდიდესი საკლუბო ტურნირი ოთხ ქართველთან ერთად გვიბრუნდება. ამ კვირაში ლიგის ძალიან საინტერესო დაპირისპირებებთან ერთად სხვა, კიდევ მრავალი ქართული სპორტული მოვლენა გველის.
ჩემპიონთა ლიგა. პირველი ტური. სათამაშო დღე 1:
8 სექტემბერი
23:00 - დორტმუნდი v ვილიარეალი
გიორგი მიქაუტაძის ვილიარეალი ზედიზედ მეორე სეზონია ჩემპიონთა ლიგაზე ასპარეზობს. გასულ სეზონში ქართველის გუნდი ევროპულ სცენაზე კატასტროფულად გამოვიდა - ყვითელმა წყალქვეშა ნავმა 8 შეხვედრაში მხოლოდ ერთი ქულა აიღო და 36-გუნდიანი ცხრილის 35-ე ადგილი დაიკავა.
მიმდინარე სეზონში ინიგო პერესის შეგირდები უკეთესი შედეგის დაფიქსირებას და შემდეგ ეტაპზე გასვლას შეეცდებიან, ამისთვის მათ დორტმუნდთან, ნაპოლისთან, ლივერპულთან, პსჟ-სთან, პრაღის სლავიასთან, საბაჰთან, ფენერბაჰჩესთან და მანჩესტერ იუნაიტედთან დაპირისპირება მოუწევთ. ვილიარეალის ურთულესი გზა სამშაბათს, სიგნალ იდუნა პარკზე გასვლით დაიწყება.
სათამაშო დღე 2:
9 სექტემბერი
23:00 - ლივერპული v ატლეტიკო
9 სექტემბერს საქმეში ერთდროულად ორი ქართველის გუნდი ერთვება - პირველი გიორგი მამარდაშვილის ლივერპულია. მერსისაიდელები შინ მადრიდის ატლეტიკოს მიიღებენ - დიდი ალბათობით ქართველი მეკარე მატჩს სათადარიგოთა სკამიდან დაიწყებს, თუმცა შეგახსენებთ, რომ გასულ სეზონში ალისონის ტრავმის გამო მამარდაშვილმა ჩემპიონთა ლიგის 7 მატჩში მიიღო მონაწილეობა.
23:00 - პსჟ v სლოვანი
მეორე გუნდი რა თქმა უნდა წინა ორი სეზონის ტრიუმფატორი პარი სენ-ჟერმენია - კვარაცხელიას გუნდი ზედიზედ მესამე ჩემპიონთა ლიგის მოსაგებად და მადრიდის რეალის ისტორიული შედეგის გასამეორებლად ემზადება. ქართველი ოქროს ბურთის პრეტენდენტი და გასული სეზონის საუკეთესო მოთამაშე ლიგაზე თავის მეხუთე სეზონს ქართველი გულშემატკივრისთვის კარგად ნაცნობ, სლოვან ბრატისლავასთან მატჩით იწყებს.
სათამაშო დღე 3:
10 სექტემბერი
20:45 - პსვ v შახტარი
მეოთხე ქართველი და მეოთხე კლუბი ირაკლი აზაროვი და დონეცკის შახტარია - ამ სეზონში უკრაინული გუნდი ჩემპიონთა ლიგის საშინაო მატჩებს ლონდონში სტემფორდ ბრიჯზე გამართავს, თუმცა აზაროვის გუნდი ლიგას ნიდერლანდებში გასვლით იწყებს - არდა თურანის შეგირდები პირველ ტურში პსვ-ს დაუპირისპირდებიან. ქართველმა განაპირა მცველმა ბოლო ორ მატჩში ითამაშა და იმედი ვიქონიოთ, შანსს ლიგაზეც მიიღებს.
ჩემპიონთა ლიგის მატჩების გარდა ამ კვირაში ქართველების გუნდები კიდევ არაერთ მატჩს გამართავენ:
7 სექტემბერი:
21:00 - ხეტაფე v სელტა
22:45 - უდინეზე v ლაციო
10 სექტემბერი:
04:30 - ჰიუსტონ დინამო v სოლთ ლეიქ სიტი
04:30 - ინტერ მაიამი - ჩიკაგო
11 სექტემბერი:
23:00 - სევილია v ვალენსია
12 სექტემბერი:
16:00 - რასინგი v ალავესი
17:00 - ჯენოა v ფროზინონე
18:00 - ლივერპული v ფულემი
18:15 - კადიზი v ლას პალმასი
20:30 - კიოლნი v ვერდერი
22:00 - დიუნკერკი v სენტ-ეტიენი
23:00 - რეალი v რაიო
13 სექტემბერი:
05:30 - სოლთ ლეიქ სიტი v ნიუ-იორკ სიტი
15:30 - ჰაიდენჰაიმი v კილი
19:00 - შტურმი v ლასკი
20:30 - ხეტაფე v დეპორტივო
21:00 - ამედი v ბაშაქშეჰირი
22:45 - ბრესტი v პსჟ
