ალექსანდრე მერკვილაძემ ევროპის ჩრდილოეთის საკალათბურთო ლიგის (ENBL) სადებიუტო ტურში დონარ გრონინგენის რიგებში ბრწყინვალე მატჩი ჩაატარა.
ნიდერლანდური კლუბი პოლონეთს ესტუმრა და ანვილთან 81:97 დამარცხდა, თუმცა ქართველი ფორვარდი თავის გუნდში საუკეთესო იყო.
მერკვილაძემ ძირითად შემადგენლობაში ითამაშა და პარკეტზე გატარებულ 38 წუთსა და 22 წამში გუნდს 22 ქულა მოუტანა, რითაც შეხვედრაში საუკეთესო შედეგი დააფიქსირა.
მან შორი დისტანციიდან განსაკუთრებული სიზუსტე აჩვენა და 11-დან 6 სამქულიანი ჩააგდო. გარდა ამისა, მის აქტივში 7 მოხსნა (რაც ასევე გუნდური საუკეთესო მაჩვენებელია), 3 შედეგიანი გადაცემა და 1 ჩაჭრა იყო.
დონარ გრონინგენი B ჯგუფის მომდევნო შეხვედრას ესტონური ტალ ტეკის წინააღმდეგ გამართავს. აღსანიშნავია, რომ ENBL-ის A ჯგუფში ქართული კავკასიაა წარმოდგენილი, რომელიც სადებიუტო მატჩს 29 სექტემბერს ხორვატიაში, ზაგრების დუბრავას წინააღმდეგ ჩაატარებს.
