ქოჩორაშვილის გუნდს ლეგენდები დაუბრუნდნენ

გიორგი ქოჩორაშვილის გუნდს, ლევანტეს კლუბის ლეგენდები დაუბრუნდნენ.

36 წლის ასაკში გუნდში დაბრუნდა ხოსე ლუის მორალესი, რომელმაც ლევანტეში 2014-დან 2022 წლამდე ითამაშა და გუნდის კაპიტანიც იყო. შემდეგ მან კარიერა ვილიარეალში გააგრძელა, სადაც 2 სეზონი გაატარა. ახლა კი მორალესი ისევ ვალენსიურ კლუბში ითამაშებს.

მორალესთან ერთად ლევანტეში კარიერას გააგრძელებს ვისენტე იბორაც.

იბორა ლევანტეს წევრი 2007-დან 2013 წლამდე იყო, რის შემდეგაც ნახევარმცველმა კარიერა სევილიაში გააგრძელა. 2017 წელს ესპანელი ლესტერში გადავიდა, სადაც 2 სეზონი ითამაშა, შემდეგ იყო ვილიარეალი, სადაც 4 წელი გაატარა. ამის შემდეგ იბორა ისევ ლევანტეს დაუბრუნდა და 1 წელი ამ გუნდის წ, წევრი იყო, გასულ სეზონში კი 36 წლის მოთამაშემ პირეოსის ოლიმპიაკოსს მიაშურა, თუმცა ახლა კვლავ ლევანტეს დაუბრუნდა.

ასე რომ, ესპანელი ვეტერანები კარიერას თავის ყოფილ გუნდში გააგრძელებენ. ამჟამად მათი თანაგუნდელი გიორგი ქოჩორაშვილიც არის, თუმცა ჯერ-ჯერობით უცნობია დარჩება თუ არა ქართველი ნახევარმცველი ვალენსიურ გუნდში.

ლევანტე მომავალ სეზონში ლა ლიგაში დაბრუნებისთვის იბრძოლებს.