ყველა იყიდება - ლიონი ფულს აგროვებს

ფრანგული გამოცემის L'Equipe-ს ინფორმაციით, ლიონმა გასაყიდად ყველა მოთამაშე ხელმისაწვდომი გახადა.

ოლიმპიკმა სატრანსფერო ფანჯრის ბოლომდე გაყიდვებით 100 მილიონი ევრო უნდა მიიღოს, წინააღმდეგ შემთხვევაში ფინანსური ფეარ-პლეის დარღვევა და შემდეგ ამის გამო სანქციები ემუქრება.

კლუბში უკვე შესულია 24 მილიონი ევრო, შესაბამისად დარჩენილია 76 მილიონი, რაც ძალიან მცირე პერიოდში უნდა შეგროვდეს.

ლიონისთვის ხელშეუხებელი არავინაა, მათ შორის ახალწვეულებიც და რა თქმა უნდა, ამ სიაში გიორგი მიქაუტაძეცაა.

ოლიმპიკმა მიმდინარე ზაფხულის სატრანსფერო ფანჯარაზე ჯამში 134 მილიონი ევრო დახარჯა, ქართველი თავდამსხმელი ლიონელებმა 18.5 მილიონის სანაცვლოდ შეიძინეს, თუმცა როგორც მეციდან იტყობინებიან, ლიონს მიქაუტაძისთვის განკუთვნილი თანხა ჯერაც არ გადაუხდია.