საქართველოს ლიგა 4-ში, რომელშიც 16 გუნდი მონაწილეობს, სეზონის დასრულებამდე 4 ტური რჩება.
ჩემპიონატის 26-ე ტურში რიგით მესამე მარცხი იწვნია ტურამდე ერთპიროვნულმა ლიდერმა, ვესტ ჯორჯიამ, რომელიც ახალციხის სამცხესთან დამარცხდა და ახლა ლიდერობას მასთან ერთად ინაწილებს.
კონკურენტთა მატჩის პარალელურად, მესამეადგილოსანმა თბილისის არაგველებმა დაგეგმილი გამარჯვება მოიპოვა და ლიდერებთან 3-3 ქულაშია.
1. ვესტ ჯორჯია (ბათუმი) - 55 ქულა;
2. სამცხე (ახალციხე) - 55 ქულა;
3. არაგველები (თბილისი) - 52 ქულა;
4. სამგურალი 2 (წყალტუბო) - 47 ქულა;
5. ბორჯომი (ბორჯომი) - 43 ქულა;
6. ვიტ ჯორჯია 2 (მცხეთა) - 42 ქულა.
რეგლამენტის მიხედვით, 30 ტურის შედეგებით, ცხრილში საუკეთესო სამეულში მყოფი გუნდები ლიგა 3-ის საგზურს მიიღებენ.
ცნობისთვის, ლიგა 3-ში გასულ სეზონში დაწინაურდნენ იბერია 2010, ივერია ხაშური და გურია ლანჩხუთი, რომელმაც გადამწყვეტ მატჩში თბილისის არაგველებთან 2:4-დან დამატებულ წუთებზე არ წააგო.
ფოტო: სამცხე ახალციხე
