რა მოხდა ბათუმის ფიბა-ევროპის მატჩში?

ბათუმი ფიბა-ევროპის თასზე ჩეხურ ოპავასთან დამარცხდა.

საქართველოს მოქმედმა ჩემპიონმა, საკალათბურთო კლუბმა ბათუმმა ფიბა-ევროპის თასის გათამაშებაში მეორე შეხვედრა გამართა. ბათუმმა თბილისში ჩეხურ ოპავას უმასპინძლა და მატჩი დიდი ანგარიშით, 62:102 დათმო.

შეხვედრა სტუმრების სრული დომინირებით წარიმართა. ქართული გუნდის შემადგენლობიდან 10-ქულიან ზღვარს მხოლოდ ორი კალათბურთელი გადასცდა. ოჩხიკიძემ გუნდს 16 ქულა მოუტანა, ხოლო მუგანდამ შეხვედრა 13 ქულით დაასრულა.

გამარჯვებულთა რიგებში საუკეთესო 20 ქულით სვანდრლიკი გახლდათ.

ფიბა-ევროპის თასზე მომდევნო მატჩს ბათუმი“ 21 ოქტომბერს გამართავს. ბათუმელები საბერძნეთში ადგილობრივ პრომითეასს დაუპირისპირდებიან.