ბარსელონამ ჟოან გარსიას ტრანსფერი შეათანხმა, თუმცა ტრანსფერის გაოფიციალურებისთვის საჭიროა, რომ კლუბმა გამოსასყიდი თანხა გადაიხადოს, რომელიც 25 მილიონ ევროს შეადგენს.
ესპანური პრესის (Marca, Mundo Deportivo) ცნობით, ბლაუგრანა შესაბამის შემოსავალს ეძებს, რათა ფინანსური ფეარ-პლეი დაიცვას. არ არის გამორიცხული, რომ კლუბმა დამატებითი სესხი მოითხოვოს ტრანსფერის შესასრულებლად.
ბარსელონამ ამ ზაფხულში უკვე მიიღო 14 მილიონი ევრო ჟან-კლერ ტოდიბოსა და ალექს ვალეს ტრანსფერებით. მათ ასევე ხელფასების 20 მილიონი ევრო გამოათავისუფლეს კლემენ ლენგლეს გაშვებით, რომელიც ატლეტიკოს შეუერთდა.
ფინანსური ფეარ-პლეის დასაცავად, ბარსელონას კიდევ სჭირდება რამდენიმე გარიგების დასრულება. კლუბში იმედი აქვთ, რომ ოსკარ მინგესას, მიკა მარმოლისა და ფრანსისკო ტრინკაოს ტრანსფერებიდან პროცენტს მიიღებენ, ასევე პაბლო ტორესა და ინიაკი პენიას გასხვისებით.
გასათვალისწინეელია ანსუ ფატის გუნდიდან წასვლაც, ამის შემდეგ კი ბარსელონას გარსიას დარეგისტრირება შეეძლება. რთულად პროგნოზირებადია, რამდენად განხორციელდება ზემოთ ჩამოთვილილი ყველა ტრანსფერი, ეს კი ჟოან გარსიას საქმეს გაურკვევლად ტოვებს.
