რამდენად გაიყიდა კვარას მაისური? - აუქციონის წარმოუდგენელი ფასები

პარი სენ-ჟერმენის ევროპული ტრიუმფი მსოფლიოს მასშტაბით კვლავაც იპყრობს გულშემატკივრების ყურადღებას.

ბუდაპეშტში არსენალთან ჩემპიონთა ლიგის ფინალში გამარჯვებიდან რამდენიმე დღეში, ისტორიულ შეხვედრაში პსჟ-ის ფეხბურთელების მიერ ნაცვამმა მაისურებმა კოლექციონერებში ნამდვილი აჟიოტაჟი გამოიწვია.

ინტერესი წარმოუდგენელ მასშტაბებს აღწევს. სპეციალიზებულ პლატფორმა MatchWornShirt-ზე გამართულ აუქციონზე იმ საღამოს გამოყენებული მაისურები კოლოსალურ ფასებად გაიყიდა.

რამდენიმე მაისურის ღირებულებამ 20 000 ევროს მნიშვნელოვნად გადააჭარბა, ხოლო ყველაზე მოთხოვნადი ეგზემპლარები 100 000 ევროზე მეტადაც შეფასდა.

მაგალითად, უსმან დემბელეს მაისური 160 000 ევროდ გაიყიდა, ხოლო დეზირე დუეს მაისურმა 131 000 ევრო მოიტანა.

ასევა აღსანიშნავია, რომ 152 000 ევროდ გაიყიდა ხვიჩა კვარაცხელიას მაისური.

უსმან დემბელე - 160 015 ევრო

ხვიჩა კვარაცხელია - 152 029 ევრო

დეზირე დუე - 131 359 ევრო

მარკინიოსი - 130 485 ევრო

ვილიან პაჩო - 34 777 ევრო

აშრაფ ჰაკიმი - 34 108 ევრო

ამ მაისურებში თავმოყრილია ყველაფერი, რაზეც კოლექციონერები ოცნებობენ: ჩემპიონთა ლიგის ფინალი, ისტორიული გამარჯვება, მატჩში გამოყენებული ავთენტური ნივთი და ფეხბურთელების ავტოგრაფები.