ბარსელონას მთავარმა მწვრთნელმა ჰანსი ფლიკმა მოახლოვებული კლასიკოს წინ, კილიან მბაპეს გაჩერების გზებზე ისაუბრა.
– დღეისთვის მბაპე საუკეთესო ფორვარდია. მან ძალიან ბევრი გოლი გაიტანა და მსოფლიო დონის ტალანტი აქვს.
ნახევარფინალს [ატლეტიკო 1:2 რეალი] მთელი გუნდით ერთად ვუყურეთ.
– როგორ უნდა დაიცვათ თავი მბაპეს წინააღმდეგ?
– რამდენი კლასიკო ვითამაშეთ ბოლო წელიწადნახევარში? და რამდენი წავაგეთ? ერთი. ეს ყველაფერს ამბობს.
ვიცი, რომ მბაპე ფანტასტიკური ფეხბურთელია და სივრცის არსებობისას განსაკუთრებულად საშიშია. როგორც ყოველთვის, გარკვეულ დეტალებს მოვარგებთ, თუმცა არა კონკრეტულად მბაპეზე. ჩვენ საკუთარ ფილოსოფიასა და იდეებზე ვართ კონცენტრირებული, – განაცხადა ფლიკმა.
11 იანვარს ბარსელონა და რეალი საუდის არაბეთში ესპანეთის სუპერთასის ფინალში შეხვდებიან ერთმანეთს.
