"რამდენიმე თვეში დავბრუნდები" - იანმა ოპერაცია გაიკეთა

UFC-ის სუპერმსუბუქი წონის ჩემპიონი, პიოტრ იანი აცხადებს, რომ გუშინ ზურგზე ოპერაცია ჩაიტარა და სავარაუდოდ, ოქტაგონს რამდენიმე თვეში დაუბრუნდება.

„9 საათის განმავლობაში ანესთეზიის ქვეშ ვიყავი. გუშინ ზურგზე ოპერაცია გამიკეთდა. რამდენიმე თვეში კვლავ ბრძოლაში ვიქნები.“ - წერს რუსი მებრძოლი სოციალურ ქსელში.

პიოტრ იანმა ქამარი მერაბ დვალიშვილთან სატიტულო ბრძოლაში მოიპოვა. რუსმა ქართველს მსაჯების ერთსულოვანი გადაწყვეტილებით მოუგო.

როგორც დვალიშვილის, ისე იანის თქმით, ქამრის დაცვა რუსს სწორედ ქართველთან უნდა ჰქონოდა, რაც მათ ტრილოგიას ნიშნავს.

თუმცა პიოტრ იანის გავრცელებული ინფორმაციიდან გამომდინარე, რომელიც მის ოპერაციას ეხება, ჯერ-ჯერობით უცნობია, როდის დაუბრუნდება ის ოქტაგონს და როდის შედგება რუსისა და ქართველის მორიგი, მე-3 დაპირისპირება.