რატომ თქვა ლივერპულმა უარი ალისონის გაყიდვაზე?

ტრანსფერის ანატომია: იუვენტუსმა ალისონის ჩაშლილი გარიგების შემდეგ მიზანში ემილიანო მარტინესი ამოიღო
ტურინის იუვენტუსმა ტრანსფერების ვექტორი შეიცვალა.

მას შემდეგ, რაც ლივერპულის მეკარის, ალისონ ბეკერის ტრანსფერი საბოლოოდ ჩაიშალა (მერსისაიდელებმა ფეხბურთელს კონტრაქტი 12 თვით გაახანგრძლივეს), ბიანკონერი ასტონ ვილას გოლკიპერზე, ემილიანო მარტინესზე გადაერთო.

მარტინესი პრიორიტეტია, თუმცა ხელფასი მთავარი ბარიერია

Gazzetta-ს ინფორმაციით, 2022 წლის მსოფლიო ჩემპიონატის გმირი მზად არის ახალი გამოწვევისთვის. 33 წლის არგენტინელი ზუსტად პასუხობს ლუჩანო სპალეტის მოთხოვნებს - მას აქვს საჭირო გამოცდილება და ლიდერის თვისებები.

მარტინესის სატრანსფერო ფასი 20 მილიონი ევროა, რაც იუვენტუსის ბიუჯეტში ჯდება, თუმცა მთავარი დაბრკოლება ფეხბურთელის წლიური ხელფასია (6 მილიონი ევრო სუფთად), რაც კლუბისთვის ფინანსურად მძიმე ტვირთია.

ვიკარიო - ბიუჯეტური ალტერნატივა

ტურინელები პარალელურად ტოტენჰემისა და იტალიის ნაკრების მეკარეს, გულიელმო ვიკარიოსაც აკვირდებიან. მისი სატრანსფერო ფასიც 20 მილიონი ევროა, თუმცა სახელფასო მოთხოვნები (3-4 მილიონი ევრო წლიურად) ბევრად უფრო მისაღებია იუვენტუსის სახელფასო ბალანსისთვის. კლუბმა გადაწყვეტილება წინასასეზონო მომზადებამდე უნდა მიიღოს.