ბარსელონას მთავარმა მწვრთნელმა ჰანსი ფლიკმა ელჩესთან ლა ლიგის სეზონის გახსნითი მატჩის წინ გამართულ პრესკონფერენციაზე დაადასტურა, რომ როდრი ხვალინდელ შეხვედრას გამოტოვებს.
მწვრთნელის თქმით, ფეხბურთელმა, რომელმაც რამდენიმე კვირის წინ მცირე ოპერაცია გაიკეთა, დღეს ინდივიდუალურად და დარბაზში ივარჯიშა, ხოლო ორშაბათიდან საერთო ჯგუფს შეუერთდება.
ფლიკი იმედოვნებს, რომ როდრი უკვე მომდევნო უქმეებზე შეძლებს თამაშს.
რაც შეეხება სხვა ახალწვეულებს, ჟოაუ კანსელუმ ალ-ჰილალთან კონტრაქტი გაწყვიტა და გუნდს ამ კვირაში შეუერთდა. ფლიკმა დაადასტურა, რომ კანსელო განაცხადში იქნება და თამაშისთვის მზადაა, თუმცა პრესეზონის გარეშე ჩატარებული პერიოდის გამო მისი სასტარტოში ყოფნა კითხვის ნიშნის ქვეშ დგას.
გერმანელმა სპეციალისტმა აღნიშნა, რომ მსოფლიო ჩემპიონატიდან დაბრუნებული ფეხბურთელების ფიზიკური კონდიციების მართვა მარტივი არ არის, თუმცა გუნდი მზად არის და პირველ ტურში გამარჯვებისთვის მაქსიმუმს გაიღებს.
