რატომ ვერ შეაცდინა ლეგენდა მილიონებმა?

UFC-ის ლეგენდარულმა მებრძოლმა, მაიკლ ბისპინგმა დაადასტურა, რომ ორგანიზაცია Real American Freestyle-სგან (RAF) კარიერის განახლების სანაცვლოდ სოლიდური ფინანსური შემოთავაზება მიიღო.

ეს ის ორგანიზაციაა, რომლის გამოც კოლბი კოვინგტონმა UFC-იდან წასვლა გადაწყვიტა, რადგან მოქმედი მებრძოლის სტატუსი დიდფულიან ორთაბრძოლებში მონაწილეობას უშლიდა ხელს. RAF ვეტერანებს ჭიდაობის წესებით ჩხუბს სთავაზობს და მათ საკმაოდ სოლიდურადაც აჯილდოებს, რამაც ფრენკი ედგარიც კი დააბრუნა სპორტში.

ბისპინგის აღიარება და საიდუმლო წინააღმდეგობა

თავის პოდკასტში ბისპინგმა გაამხილა, რომ ორგანიზაციამ მას ნახევარი მილიონი დოლარი შესთავაზა, რათა ხალიჩაზე თავის ძველ მეტოქეს, ტიტო ორტისს დაპირისპირებოდა. ორტისი ბოლოს რინგზე ანდერსონ სილვასთან კრივის წესებით ჩხუბისას გამოჩნდა, სადაც ნოკაუტით დამარცხდა. ბისპინგი აღიარებს, რომ ასეთმა თანხამ ძალიან შეაცდინა, თუმცა კონტრაქტზე ხელის მოწერაზე უარის თქმა მოუწია.

„ფიცი მწამს, ნახევარი მილიონი დოლარი შემომთავაზეს ტიტო ორტისთან საჭიდაოდ. კრივის მატჩი რომ ყოფილიყო, კიდევ დავთანხმდებოდი, მაგრამ ჭიდაობისას ჩემი კისერი ამ დატვირთვას უბრალოდ ვერ გაუძლებდა. ძალიან დიდი ცდუნება იყო, მაგრამ ჯანმრთელობამ არ გამიშვა,“ - განაცხადა ბისპინგმა.

მიუხედავად ბისპინგის უარისა, ორგანიზაცია გრანდიოზულ შოუებს აგრძელებს, მათი მომდევნო დიდი ტურნირი 13 ივნისს, სენტ-ლუისში იგეგმება, სადაც მთავარ ბრძოლებში ისევ უდიდესი ვარსკვლავები მიიღებენ მონაწილეობას.