ვინისიუს ჯუნიორი რეალთან ახალი კონტრაქტის გაფორმებასთან ახლოსაა.
მას შემდეგ, რაც მხარეები ახალ ხელშეკრულებაზე თითქმის ორი წელი ვერ თანხმდებოდნენ, დღეს მადრიდში გამართულმა შეხვედრამ მხარეები შეთანხმებას მაქსიმალურად მიაახლოვა.
რეალი დიდი ხნის განმავლობაში ამბობდა, რომ შეთავაზება, რომელიც ვინისიუსის მოთხოვნებს საგრძნობლად ჩამორჩებოდა, იყო საბოლოო და კლუბი ახალ, გაუმჯობესებულ კონტრაქტს ფეხბურთელს არ შესთავაზებდა.
თუმცა, ხელმძღვანელობამ მოულოდნელად პოზიცია შეცვალა და დღევანდელ შეხვედრაზე ვინისიუსს გაუმჯობესებული კონტრაქტი შესთავაზა, რამაც ბრაზილიელის დარჩენის შანსები საგრძნობლად გაზარდა.
The Athletic, ფაბრიციო რომანო და სხვა ავტორიტეტული წყაროები ერთხმად ამტკიცებენ, რომ ვინი გახანგრძლივებასთან ძალიან ახლოსაა.
კლუბის მიერ გაკეთებული ახალი შეთავაზება ხაზს უსვამს ფეხბურთელის მნიშვნელობას და ბევრად უფრო ახლოს არის ვინისიუსის მოლოდინთან, ვიდრე წინა შეთავაზებები.
თუ გაუთვალისწინებელი არაფერი მოხდა, მხარეები მოლაპარაკებებს უახლოეს დღეებშიც გააგრძელებენ და ვინისიუსი სამეფო კლუბს თავის მომავალს კიდევ არაერთი წლით დაუკავშირებს.
