სრული სიგიჟე თურქეთში - როგორ დახვდნენ სალაჰს ქომაგები

ტრაბზონსპორის ათასობით გულშემატკივარი კლუბის ახალწვეულს, მოჰამედ სალაჰს შეხვდა.

დღისით ლივერპულის 34 წლის ექს-გარემარბი სტამბოლში ჩაფრინდა, სამედიცინო შემოწმება გაიარა და საღამოს ტრაბზონში ჩავიდა.

ხვალ, 6 აგვისტოს, კლუბის საშინაო სტადიონზე სალაჰთან კონტრაქტის ხელმოწერისა და ფეხბურთელის ოფიციალური პრეზენტაციის ცერემონია გაიმართება.

ტრაბზონის აეროპორტში ეგვიპტელს ათასობით ფანი დახვდა. სალაჰმა კლუბის №10 მაისური მოირგო და შთაბეჭდილებებზეც გააკეთა კომენტარი:

„ძალიან მიხარია, რომ ამ დაუჯერებელ ატმოსფეროში აღმოვჩნდი. არ მახსოვს, მსგავსი რამ ოდესმე მენახოს. აქ 25 000 ადამიანია, ეს წარმოუდგენელია!

მე წარმატებას ყველგან მივაღწიე. მინდა, წარმატებული ვიყო ტრაბზონსპორშიც“, - განაცხადა სალაჰმა.