რეალი და ბელინგემი დაბრუნების ვადაზე ვერ თანხმდებიან

ჯუდ ბელინგემს საფეხბურთო მოედანზე ამ თვეშივე სურს დაბრუნება.

შეგახსენებთ, რომ ივლისის შუაში ინგლისელს მხარზე ოპერაცია ჩაუტარდა, რომელიც 2023 წლის ნოემბრიდან აწუხებდა. თავდაპირველი ვარაუდით, ფეხბურთელს 10-12 თვე უნდა გამოეტოვებინა.

The Athletic-ის ინფორმაციით, ინგლისელმა გუნდთან ერთად ვარჯიში ნაწილობრივ განაახლა და იმედი აქვს, რომ ამ თვეში შეძლებს მოედანზე დაბრუნებას. 

თავის მხრივ, კლუბს ურჩევნია, ოქტომბრამდე დაიცადოს, რათა ყველანაირი რეციდივის რისკი აირიდოს თავიდან. 

აქვე იმასაც გეტყვით, რომ ედუარდო კამავინგა, რომელსაც ამ სეზონში ჯერ არ უთამაშია, გუნდს ვერც სოსიედადთან ხვალინდელ [13 სექტემბრის] მატჩში დაეხმარება. თავდაპირველი ვარაუდით, ის სწორედ ამ მატჩში უნდა დაბრუნებულიყო, თუმცა ბოლომდე მწყობრში დაბრუნება ფრანგმა კვლავაც ვერ მოასწრო.