ბენფიკა და მადრიდის რეალი ალვარო კარერასის ტრანსფერზე მოლაპარაკებებს აგრძელებენ.
ფაბრიციო რომანოს ინფორმაციით, 23 წლის ესპანელი მარცხენა მცველი უახლოეს პერიოდში რეალის ფეხბურთელი გახდება.
კლუბებს შორის შეთანხმება პრაქტიკულად დახურულია - თანხის გარდა, საპირისპირო მიმართულებით რეალი ახალგაზრდა მარცხენა მცველს, რაფაელ ობრადორსაც გაუშვებს, რომელმაც თავის მხრივ ბენფიკაში გადასვლაზე თანხმობა უკვე განაცხადა.
კარერასს რეალთან პირადი კონტრაქტი უკვე შეთანხმებული აქვს და კლუბების გარიგების მოლოდინში იმყოფება.
რაფაელ ობრადორი 21 წლის მარცხენა მცველია, რომელმაც გასული სეზონი იჯარით დეპორტივო ლა კორუნიაში გაატარა, თუმცა ამ ზაფხულს სამეფო კლუბში დაბრუნდა.
