რეალი და პრემიერ ლიგის კლუბები ბორნმუთის მცველისთვის იბრძვიან

იტალიელი სპორტული ჟურნალისტის ფაბრიციო რომანოს ცნობით, რეალი ცენტრალური მცველის პოზიციაზე დინ ჰაუსენის, ვილიამ სალიბასა და იბრაჰიმა კონატეს ვარიანტებს განიხილავს.

ჰაუსენის გამოსასყიდი თანხა 50 მილიონ ფუნტს შეადგენს, თავად მოთამაშეს კი მადრიდში გადასვლა სურს და რეალის ნაბიჯებს ელოდება, ამავდროულად კი ტრანსფერზე ჩელსი, ლივერპული და არსენალიც მუშაობენ.

რეალში სალიბა საოცნებო სამიზნეა და სამომავლოდ ისიც განიხილება, თუმცა ახლა ის ძვირად არის მიჩნეული.

მადრიდში იციან, რომ ჰაუსენის ოცნება რეალში გადასვლაა და ჩაბი ალონსოსთან შიდა საუბრებიც მიმდინარეობს, მოთამაშის ტრანსფერზე ესპანელი სპეციალისტიც თანახმაა.

ასე რომ 20 წლის ესპანელი მცველისთვის ბრძოლაა გაჩაღებული და სავარაუდოა, რომ მისი მომავალი გუნდი უახლოეს პერიოდში გაირკვევა.