ესპანეთის ლა ლიგის მე-10 ტურში სეზონის პირველი ელ კლასიკო გაიმართება.
მადრიდის რეალი ბარსელონას სანტიაგო ბერნაბეუზე 26 ოქტომბერს მიიღებს. მატჩი 19:15 საათზე დაიწყება.
9 ტურში რეალს 8 მატჩი აქვს მოგებული და 1 წაგებული. ჩაბი ალონსოს გუნდი 24 ქულით სატურნირო ცხრილში პირველ ადგილზეა და ფლიკის გუნდს 2 ქულით უსწრებს, რომელმაც 7 მატჩი მოიგო, 1 ფრედ ითამაშა და 1 წააგო.
უეფას ჩემპიონთა ლიგის მე-3 ტურში ბარსელონამ ოლიმპიაკოსი 6-1 გაანადგურა, რეალმა კი იუვენტუსს 1-0 მოიგო.
კატალონიელთა მხრიდან გამორჩეული ფერმინ ლოპესი და მარკუს რაშფორდი იყვნენ. ესპანელმა ნახევარმცველმა ჰეთთრიქი შეასრულა, ინგლისელმა შემტევმა კი - დუბლი.
მადრიდელებს კი ტურინელებთან ჯუდ ბელინგემმა მოაგებინა, რომელმაც ვინისიუს ჟუნიორის ბრწყინვალე თამაშის შემდეგ დამატებაზე კარგად ითამაშა.
ეს ისტორიაში 262-ე ელ კლასიკო იქნება. რეალის ანგარიშზე 105 მოგებაა, ბარსელონასი - 104, ხოლო 52 მატჩი ფრედ დასრულდა.
ბარსელონას მხრიდან შეხვედრაში მონაწილეობას ვერ მიიღებენ დანი ოლმო, ჟოან გარსია, რობერტ ლევანდოვსკი, მარკ-ანდრე ტერ შტეგენი და გავი, ასევე საეჭვოა რაფინიას თამაშიც. ასევე ვარჯიშზე დისკომფორტი იგრძნო ფრენკი დე იონგმა.
კლასიკოსთვის რეალს უბრუნდებიან ტრენტ ალექსანდერ-არნოლდი, დინ ჰაუსენი, დანი კარვახალი და დანი სებალიოსი. ამ მომენტისთვის მადრიდელებს ბარსელონასთან მხოლოდ ანტონიო რუდიგერი და დავიდ ალაბა დააკლდებათ.
ქვიზი: გამოიცანი ელ კლასიკოს გოლის ავტორი
