რეალის წარმომადგენლებმა დიოგუ ჟოტას ხსოვნას პატივი მიაგეს

უეფას ჩემპიონთა ლიგის მე-4 ტურში ლივერპული ენფილდზე მადრიდის რეალს მიიღებს.

მადრიდელები უკვე ლივერპულში არიან, მატჩის წინა დღეს კი ემილიო ბუტრაგენიომ, ჩაბი ალონსომ, ტრენტ ალექსანდერ-არნოლდმა და დინ ჰაუსენმა ენფილდთან არსებულ მემორიალთან დიოგუ ჟოტასა და ანდრე სილვას ხსოვნას პატივი მიაგეს.

ინგლისელმა მარჯვენა მცველმა ყოფილი თანაგუნდელის მემორიალთან ყვავილებთან ერთად ჯოისტიკი და სპეციალური წერილიც მიიტანა.

"ჩემო მეგობარო დიოგუ,

ძალიან გვაკლიხარ, მაგრამ ისევ ყველას უყვარხარ. შენი და ანდრეს მოგონება სამუდამოდ იარსებებს. ყოველ ჯერზე მეღიმება, როცა შენზე ვფიქრობ, მუდამ მემახსოვრება დიდებული დრო, რომელიც ერთად გავატარეთ,

მენატრები ძმაო, ყოველდღე, Forever 20, YNWA"

შეგახსენებთ, რომ დიოგუ ჟოტა და მისი ძმა, ანდრე სილვა ზაფხულში ავტოავარიას ტრაგიკულად ემსხვერპლნენ.

ლივერპულისა და რეალის მატჩი 4 ნოემბერს, 23:55 საათზე დაიწყება.