"რეალმა ალონსოს პოტენციალი ვინისიუსის გამო დაასამარა", — ბაიერნის ექს-ფეხბურთელი

ბაიერნის ყოფილი ნახევარმცველი, დიტმარ ჰამანი, მადრიდის რეალში ჩაბი ალონსოს სიტუაციაზე საუბრობს.

„განხეთქილება 2024 წლის ოქროს ბურთის დაჯილდოვებაზე დაიწყო, როცა ვინისიუსმა და მთელმა რეალმა ამ ღონისძიებას ბოიკოტი გამოუცხადეს. მათ ვინის თავი კლუბზე უფრო მნიშვნელოვან ფიგურად აგრძნობინეს.

შემდეგ იყო ბარსელონასთან მატჩი, როცა ის 70-ე წუთისთვის შეცვალეს და იმხელა ხმაურის ატეხვის მიუხედავადაც არ დაისაჯა.

ამ მომენტის შემდეგ მწვრთნელი უბრალოდ განწირული იყო - ეს უბრალოდ შედეგია იმის, რაც ბოლო თვეებში ხდებოდა. ამჟამად ეს ფეხბურთელები უკვე უმართავები არიან.

სულ რაღაც 5-6 თვე გახდა საჭირო, რომ ყველაზე პერსპექტიული მწვრთნელის პოტენციალი დასამარებულიყო." - აღნიშნა ჰამანმა.