დღეს, 25 თებერვლის ოთხშაბათ საღამოს, ჩემპიონთა ლიგის ბოლო 4 მერვედფინალისტის ვინაობას გავიგებთ.
ატალანტა — დორტმუნდი [21:45], პირველი მატჩი 0:2
გერმანიაში გამართული დაძაბული პირველი შეხვედრიდან ერთი კვირის შემდეგ, დორტმუნდის ბორუსია ბერგამოში ჩადის. ატალანტასთან საპასუხო მატჩის წინ გერმანელებს ორბურთიანი უპირატესობა აქვთ, რაც მარტივ მოცემულობას ქმნის: ატალანტა ვალდებულია შეუტიოს, დორტმუნდი კი თამაშის მართვას ეცდება.
სიგნალ იდუნა პარკზე დორტმუნდი ცივსისხლიანი აღმოჩნდა. სერუ გირასის ადრეულმა გოლმა თამაშის ტემპი შეცვალა, რის შემდეგაც ბუნდესლიგის ბინადარმა მეტოქე კონტრშეტევებზე დასაჯა. თუმცა, იტალიაში რაფაელე პალადინოს აგრესიული გუნდის წინააღმდეგ ორბურთიანი ფორა მხოლოდ ამოსუნთქვის საშუალებაა და არა სიმშვიდის გარანტია.
საკადრო პრობლემები: კოვაჩის თავისტკივილი
ნიკო კოვაჩს დაცვის ხაზში სერიოზული დანაკლისი აქვს, რაც თამაშის მართვას ართულებს:
-
-
ემრე ჯანი კუნთის ტკივილის გამო;
-
ნიკლას ზულე და ნიკო შლოტერბეკი მიუწვდომელნი არიან;
-
ფილიპო მანე ასევე ტრავმირებულია.
არც მასპინძლებს აქვთ იდეალური მდგომარეობა: ატალანტას ჯაკომო რასპადორი და შარლ დე კეტელარე დააკლდებათ, ხოლო სეად კოლაშინაცის მონაწილეობა საეჭვოა.
სავარაუდო შემადგენლობები:
ატალანტა (3-4-2-1): კარნეზეკი — კოსუნუ, ჯიმსიტი, სკალვინი — ძაპაკოსტა, დე როონი, ედერსონი, ბერნასკონი — სამარჯიჩი, ზალევსკი — სკამაკა.
ბორუსია დორტმუნდი (3-4-2-1): კობელი — რეჯანი, ანტონი, ბენსებაინი — რიერსონი, ბელინგემი, ნმეჩა, სვენსონი — ბაიერი, ბრანდტი — გირასი.
რეალი — ბენფიკა [23:59], პირველი მატჩი 1:0
რეალი ეცდება დაივიწყოს ლა ლიგაში ოსასუნასთან განცდილი მარცხი (1:2) და მერვედფინალის საგზური მოიპოვოს. პირველ შეხვედრაში მადრიდელები დომინირებდნენ და მომენტების უკეთ რეალიზებაც შეეძლოთ, თუმცა მატჩი ვინისიუს ჟუნიორის ირგვლივ ატეხილი რასისტული სკანდალის ჩრდილში მოექცა. მიმდინარე ტურნირზე სამეფო კლუბს საკუთარ მოედანზე 3 მოგება და 1 მარცხი აქვს (სიტისთან).
ბენფიკა მადრიდში კარგი განწყობით ჩადის — ჟოზე მოურინიოს გუნდმა პორტუგალიის ჩემპიონატში AVS Futebol SAD 3:0 დაამარცხა. მიუხედავად ამისა, "არწივების" გასვლითი სტატისტიკა ევროთასებზე არცთუ ისე შთამბეჭდავია: 1 მოგება და 3 მარცხი ოთხ შეხვედრაში.
რეალს სერიოზული საკადრო პრობლემები აქვს: ტრავმების გამო თამაშს გამოტოვებენ ჯუდ ბელინგემი, დანი სებალიოსი და ედერ მილიტაო. საეჭვოა დინ ჰაუსენის და რაც უფრო მნიშვნელოვანია, კილიან მბაპეს მონაწილეობაც, როდრიგო კი დისკვალიფიცირებულია.
ბენფიკას მხარეს ერთადერთი ტრავმირებული ჟოაუ ველოზოა, ხოლო ჯანლუკა პრესტიანი უეფას მიერ არის დისკვალიფიცირებული.
სავარაუდო შემადგენლობები
რეალი (4-4-2): კურტუა — კარერასი, ასენსიო, რუდიგერი, ალექსანდერ-არნოლდი — კამავინგა, ჩუამენი, ვალვერდე, გიულერი — ვინისიუსი, გარსია.
ბენფიკა (4-2-3-1): ტრუბინი — არაუჟო, სილვა, ოტამენდი, დალი — ბარეირო, ბარენეჩეა — რიოსი, სუდაკოვი, შელდერუპი — პავლიდისი.
პსჟ — მონაკო [23:59], პირველი მატჩი 3:2
გასულ კვირას გამართული პირველი მატჩის შემდეგ გუნდებს შორის სხვაობა მხოლოდ ერთი გოლია, რაც იმას ნიშნავს, რომ გადამწყვეტ შეხვედრაში ყველაფერი ჯერ კიდევ წინაა. ამ წყვილში გამარჯვებული 1/8 ფინალში ან ჩელსის დაუპირისპირდება, ან ბარსელონას.
პირველი შეხვედრა ლუი II-ზე პარიზელებისთვის კატასტროფულად დაიწყო: 22-ე წუთისთვის ლუის ენრიკეს გუნდი 0:2-ს აგებდა და პენალტიც ვერ გამოიყენა. თუმცა, პსჟ-მ შთამბეჭდავი ქამბექი შემოგვთავაზა, რაშიც უდიდესი წვლილი დეზირე დუემ შეიტანა — ტრავმირებული დემბელეს ნაცვლად შეცვლაზე შესულმა ფეხბურთელმა დუბლი შეასრულა და თავის გუნდს 3:2 მოაგებინა.
პარიზელები კარგ ფორმაში არიან: ბოლო ხუთი მატჩიდან ოთხი მოიგეს, მათ შორის შაბათს მეცი გაანადგურეს. ამასთან, პსჟ-მ საკუთარ მოედანზე ჩატარებული ბოლო ორი შეხვედრა ჯამური ანგარიშით, 8:0 მოიგო.
რაც შეეხება მონაკოს, მათ შაბათს ლანსი 3:2 დაამარცხეს, რითაც პსჟ-ს ლიგა 1-ის ცხრილის სათავეში ორქულიანი უპირატესობა გაუზარდეს, თუმცა ევროთასებზე მეტოქისთვის საჩუქრების გაკეთებას აღარ აპირებენ. მონაკო მერვედფინალში მოხვედრას 9 წელია ელოდება და ამისთვის პარიზში 2021 წლის შემდეგ პირველად უნდა გაიმარჯვონ.
პსჟ-ს უსმან დემბელე და სენი მაიულუ დააკლდებათ (ორივეს წვივის ტრავმა აქვს). ასევე უქმობენ ფაბიან რუისი და კვენტინ ნჯანტუც.
მონაკოს დანაკლისი კიდევ უფრო სოლიდურია: ტაკუმი მინამინო, ლუკაშ ჰრადეცკი და მოჰამედ სალისუ მუხლის ტრავმების გამო ვერ ითამაშებენ. გუნდს ვერ დაეხმარებიან პოლ პოგბა და კასუმ უატარა, ასევე ტრავმირებულები არიან მაგნეს აკლიუში და ერიკ დაიერი. ალექსანდრ გოლოვინი კი მატჩს დისკვალიფიკაციის გამო გამოტოვებს.
სავარაუდო შემადგენლობები:
პსჟ (4-3-3): საფონოვი — მენდეში, პაჩო, მარკინიოსი, ჰაკიმი — ნევეში, ვიტინია, ზაირ-ემერი — ბარკოლა, დუე, კვარაცხელია.
მონაკო (4-3-3): კენი — ვანდერსონი, ტეზე, ფასი, ენრიკე — კამარა, ზაკარია, კულიბალი — ადინგა, ბალოგუნი, დიატა.
იუვენტუსი — გალათასარაი [23:59], პირველი მატჩი 2:5
ლუჩიანო სპალეტის ერა იუვენტუსში პოზიტიურად დაიწყო (მხოლოდ 2 მარცხი პირველ 20 მატჩში), თუმცა ბოლო დროს გუნდის შედეგები მკვეთრად გაუარესდა. ახლა ტურინელები შეეცდებიან გახდნენ პირველი იტალიური გუნდი რომას (8 წლის წინ) შემდეგ, რომელიც ჩემპიონთა ლიგაზე პირველ მატჩში მიღებულ სამბურთიანი დეფიციტს აღმოფხვრის. შეგახსენებთ, რომ თურქეთში იუვენტუსი 2:5 განადგურდა.
რაც შეეხება გალათასარაის, გასულ კვირას გამართულ პირველ შეხვედრაში ისინი პირველი ტაიმის შემდეგ 1:2-ს აგებდნენ და საშინაო მარცხის საფრთხის წინაშე იდგნენ, თუმცა მეორე ტაიმში თურქულმა გრანდმა ოთხი უპასუხო გოლი გაიტანა და დამაჯერებელი გამარჯვება მოიპოვა. ოქან ბურუკის გუნდისთვის ჩემპიონატში კონიასპორთან მარცხმა 5-მატჩიანი მოგებათა სერია შეაწყვეტინა, თუმცა მათი მთავარი ფოკუსი ახლა ევროარენაზე წარმატების დასრულებაა.
იუვენტუსს სერიოზული დანაკლისი აქვს: ემილ ჰოლმი, არკადიუშ მილიკი და დუშან ვლაჰოვიჩი ტრავმირებულები არიან. ასევე საეჭვოა გლეისონ ბრემერის თამაში. ანდრეა კამბიაზო და ხუან კაბრალი კი მატჩს დისკვალიფიკაციის გამო გამოტოვებენ.
გალათასარაის რიგებში მთავარი კითხვის ნიშანი ვიქტორ ოსიმენს უკავშირდება — მან მუხლის პრობლემის გამო ბოლო მატჩი გამოტოვა და ნაკლებად სავარაუდოა, ტურინში ითამაშოს. ასევე საეჭვოა აჰმედ კუტუჯუსა და არდა უნიაის მონაწილეობა.
სავარაუდო შემადგენლობები:
იუვენტუსი (4-2-3-1): დი გრეგორიო — კალულუ, გატი, კელი, კოსტიჩი — ტურამი, ლოკატელი — კონსეისაო, კოპმაინერსი, ილდიზი — დევიდი.
გალათასარაი (4-2-3-1): ჩაქირი — სალაი, სანჩესი, ბარდაქჩი, იაკობსი — ტორეირა, სარა — ილმაზი, აქგუნი, ლანგი — იკარდი.
