რეალს მბაპე ვადაზე გაცილებით ადრე უბრუნდება

მადრიდის რეალის ვარსკვლავმა, კილიან მბაპემ, ტრავმა ნაადრევად მოირჩინა.

როგორც ესპანური პრესა იუწყება, ფეხბურთელის წესით 3-კვირიანი დაზიანება არ აღმოჩნდა ისეთი სერიოზული, როგორსაც თავდაპირველად ვარაუდობდნენ.

მბაპე ხვალ გუნდთან ერთად ივარჯიშებს, სადაც მისი მდგომარეობა შეფასდება და ამის შემდეგ მიიღებენ გადაწყვეტილებას, ითამაშებს თუ არა ის ლილთან 2 სექტემბრის შეხვედრაში.

კილიანმა ტრავმა ალავესთან ერთი კვირის წინ გამართულ მატჩში მიიღო და თავდაპირველი ვარაუდით 3 კვირა უნდა გამოეტოვებინა, თუმცა Marca წერს, რომ მისი მდგომარეობა გაცილებით გაუმჯობესებულია.

ვარაუდობენ, რომ მბაპე ლილთან მატჩის განაცხადში მოხვდება, თუმცა რამდენ სათამაშო წუთს მიიღებს, თუ საერთოდ მიეცემა, ამას ხვალინდელი გამოკვლევა დაადგენს.