რესლინგის ლეგენდა ჰალკ ჰოგანი 71 წლის ასაკში გარდაიცვალა.
ჰალკმა პროფესიონალური რესლინგი საოჯახო გასართობ სპორტად აქცია. ჰალკამდე რესლინგი ძალიან ვიწრო აუდიტორიას მოიცავდა. რინგზე ჰალკის თეატრალური პერფორმანსები კი ბავშვებისა და მათი მშობლებისთვის მიმზიდველი აღმოჩნდა, რამაც სპორტი ახალი სიცოცხლით აავსო.
ჰოგანმა პოპ კულტურის ფენომენი "ჰალკმანია" 1984 წელს მძიმე წონის მსოფლიო ჩემპიონობისთვის აირონ შეიკის დამარცხებით წამოიწყო - ეს სიგიჟე კი მას შემდეგ არ განელებულა, მისი საფირმო ბენდენითა და ულვაშით, რომელსაც ათწლეულების განმავლობაში გულშემატკივრები აკოპირებდნენ.
ჰოგანს უამრავი დასამახსოვრებელი პერფორმანსი ჰქონდა, მათ შორის 2002 წელს WrestleMania X8-ზე დუეინ The Rock ჯონსონის წინააღმდეგ.
ჰალკი WWE-ის დიდების დარბაზში 2005 წელს შეიყვანეს.
მას წარმატებული სამსახიობო კარიერაც ჰქონდა, რომელიც 1982 წელს Rocky III-ით დაიწყო, სადაც Thunderlips-ის როლს ასრულებდა. მას ასევე მონაწილეობა მიღებული აქვს შემდეგ ფილმებში - No Holds Barred, Suburban Commando და Mr. Nanny.
"WWE დამწუხრებულია WWE-ის დიდების დარბაზის წევრის ჰალკ ჰოგანის გარდაცვალებით.
პოპ კულტურის ერთ-ერთი ცნობილი ფიგურა, რომელიც WWE-ს 1980-იან წლებში გლობალურ აღიარებაში დაეხმარა.
WWE იზიარებს ჰოგანის ოჯახის, მეგობრებისა და გულშემატკივრების მწუხარებას." - წერს WWE-ის ოფიციალური გვერდი.
