ტოტენჰემი და ლოს ანჯელესი სონ ჰეუნ მინის ტრანსფერზე მოლაპარაკებებს აწარმოებენ.
დღეს 33 წლის ფეხბურთელმა ოფიციალურად დაადასტურა, რომ სპურსს ამ ზაფხულს დატოვებს.
როგორც ჟურნალისტი ბენ ჯეიკობსი იტყობინება, კლუბები მოლაპარაკებებს აწარმოებენ, ტოტენჰემს თავისი კაპიტნის უფასოდ გაშვება არ სურს და MLS-ის კლუბისგან დაახლოებით 20 მილიონ ფუნტს (26 მლნ დოლარს) ითხოვს.
აქამდე, საუდელებისგან ტოტენჰემი 30 მილიონს ითხოვდა, თუმცა ფეხბურთელის წასვლის სურვილის გამოთქმის შემდეგ, ფასი დაწიეს.
თავად სონმა ლოს ანჯელესში გადასვლაზე თავისი თანხმობა უკვე განაცხადა.
კორეელს კლუბთან კონტრაქტი მომავალ ზაფხულამდე აკავშირებს.
