ტოტენჰემის მთავარ მწვრთნელს, რობერტო დე ძერბის, დატვირთული ზაფხულის სატრანსფერო ფანჯარა ელის.
გასულ უქმეებზე ასტონ ვილასთან მოპოვებულმა გამარჯვებამ (2:1) ტოტენჰემი გასავარდნი ზონიდან ამოიყვანა, თუმცა პრემიერ ლიგაში ადგილის შესანარჩუნებლად დარჩენილ სამ მატჩში ბრძოლა კვლავ დასჭირდება.
თუ გუნდი პრემიერ ლიგაში დარჩება, მათ უკვე შეთანხმებული აქვთ ორი უფასო ტრანსფერი - ენდი რობერტსონი ლივერპულიდან და მარკოს სენესი ბორნმუთიდან.
დე ძერბის 2026/27 წლების სეზონისთვის შემადგენლობის მნიშვნელოვნად განახლება სურს. მიუხედავად იმისა, რომ ნახევარდაცვაში ტოტენჰემს წელს არ უჭირდა, რამდენიმე მოთამაშის მომავალი კითხვის ნიშნის ქვეშაა: ჟოაო პალინია იჯარითაა, ივ ბისუმას კონტრაქტი უმთავრდება, პაპ მატარ სარიმ კი შესაძლოა კლუბი დატოვოს. ამის გამო, დე ძერბის ინტერესის სფეროში პარმას 23 წლის ნახევარმცველი, მანდელა კეიტა მოხვდა.
კეიტა სერია ა-ს ერთ-ერთ საუკეთესო მოთამაშედ ჩამოყალიბდა და წელს თითქმის ყველა მატჩი შეუცვლელად ჩაატარა. თავად ფეხბურთელი აცხადებს, რომ მისი შთაგონების წყარო ნ'გოლო კანტე და ფრენკი დე იონგი არიან და ცდილობს ორივე მათგანისგან აიღოს მაგალითი. გავრცელებული ინფორმაციით, ტოტენჰემის გარდა, ბელგიელი ნახევარმცველით ასტონ ვილა და ატალანტაც ინტერესდებიან.
პარმამ კეიტა 2024 წელს 15 მილიონ ევროდ შეიძინა, ახლა კი მისი ფასი გაცილებით მაღალი იქნება.
