ესპანური გამოცემა AS-ის ინფორმაციით, როდრიგო მადრიდის რეალში სასტარტოს უცვლელ წევრად აღარ მოიაზრება.
მადრიდული მედიის ცნობით, სამეფო კლუბის სამწვრთნელო შტაბში მივიდნენ დასკვნამდე, რომ გუნდი ბევრად დაბალანსებული და აწყობილია მაშინ, როცა მოედანზე როდრიგოს ნაცვლად თურქი ნახევარმცველი არდა გიულერი იმყოფება.
თუ გაუთვალისწინებელი არაფერი მოხდა, კვირის ელ კლასიკოში რეალის სასტარტოში როდრიგოს ნაცვლად სწორედ არდა გიულერს ვიხილავთ.
იმის გათვალისწინებით, რომ რეალის თითქმის ყველა მცველი დამტვრეულია, სავარაუდოდ ანჩელოტი მოედანზე შემდეგ თერთმეტეულს გაიყვანს:
კურტუა, ვასკესი, ასენსიო, ჩუამენი, ფრან გარსია, ვალვერდე, სებალიოსი, ბელინგემი, გიულერი, ვინისიუსი, მბაპე.
