როგანი: "ტრამპს UFC-ზე არასდროს უსტვენენ"

ჯო როგანი თვლის, რომ დონალდ ტრამპმა სპორტული ღონისძიებების დასწრებისას უპირატესობა მხოლოდ UFC-ს უნდა მიანიჭოს.

პოდკასტერის აზრით, UFC არის ერთადერთი ადგილი, სადაც აშშ-ის პრეზიდენტს გულშემატკივრები ყოველთვის მხარს უჭერენ.

როგანმა ეს მოსაზრება მას შემდეგ გამოთქვა, რაც ტრამპმა NBA-ს ფინალში, ნიუ-იორკში (ნიუ-იორკ ნიქსსა და სან-ანტონიო სპურსს შორის გამართულ მატჩზე), სადაც ის პირველი მოქმედი პრეზიდენტი გახდა, სტვენა და შეძახილები მიიღო. როგანის თქმით, მაშინ როცა სხვაგან სტვენა შესაძლებელია, UFC-ის ღონისძიებებზე ტრამპს ყოველთვის ოვაციებით ხვდებიან:

ტრამპს UFC-ის ღონისძიებებზე დასწრებისას არასდროს მიუღია სტვენა. მე ის ექვსჯერ მაინც მინახავს იქ და ყოველთვის მხოლოდ ტაშს უკრავდნენ. ვინც ამბობს, რომ მას იქ ცუდად ხვდებიან, ისინი რეალობას ამახინჯებენ.

ამჟამად დონალდ ტრამპი UFC Freedom 250-ისთვის ემზადება, რომელიც მის დაბადების დღეს, 14 ივნისს, თეთრი სახლის გაზონზე გაიმართება. აღნიშნულ ღონისძიებაზე დასასწრებად მხოლოდ 4500 სპეციალურად შერჩეული სტუმარი მიიწვიეს, მათ შორის არიან პოლიტიკოსები, გლობალური დიპლომატები და სამხედრო პირები.

ცნობილია, რომ ღონისძიებაზე მოსაწვევი უარი თქვეს ჰოლივუდის ვარსკვლავებმა, მათ შორის დუეინ როკ ჯონსონმა და ადამ სენდლერმა.