როლან გაროსის კაცთა თანრიგში პირველი ნახევარფინალური წყვილი გაირკვა

როლან გაროსის კაცთა თანრიგში პირველი 1/2 ფინალური წყვილი გაირკვა.

ფინალში გასვლისთვის ერთმანეთს მოქმედი ჩემპიონი კარლოს ალკარასი და იტალიელი ლორენზო მუსეტი დაუპირისპირდებიან ერთმანეთს.

მუსეტიმ თავის მეოთხედფინალში ფრენსის ტიაფოე დაამარცხა 4 სეტში, ალკარასს კი ტომი პოლის შინ გასაშვებად 3 სეტის ჩატარება დასჭირდა.

ალკარასის და მუსეტის გზები მეშვიდედ გადაიკვეთება და ამ დრომდე ესპანელი ურთიერთშეხვედრებში 5:1 ლიდერობს. 2025 წელს ისინი ერთმანეთს ორჯერ დაუპირისპირდნენ - მონტე კარლოს ფინალში ესპანელმა სამ სეტში 3:6 6:1 6:0 მოიგო, რომის მასტერსის ნახევარფინალში კი მოსაგებად ორი სეტი იკმარა - 6:3 7:6.

კარლოს ალკარასი, რომელიც როლან გაროსის მოქმედი ჩემპიონია, ტურნირის ნახევარფინალში ზედიზედ მესამედ გავიდა, მუსეტისთვის კი ეს პირველი ნახევარფინალი იქნება.