რომელ კალათაშია საქართველო? ხელბურთის ევროპის ჩემპიონატის წილისყრა

2026 წელს გასამართი ხელბურთის ევროპის ჩემპიონატის ჯგუფური ეტაპის წილისყრისთვის კალათები ცნობილია.

ფინალურ ეტაპს, რომელიც იანვარში გაიმართება, სამი ქვეყანა - დანია, შვედეთი და ნორვეგია უმასპინძლებს.

1 კალათა: საფრანგეთი (ევროპის ჩემპიონი) დანია, შვედეთი (მასპინძლები), გერმანია, უნგრეთი, სლოვენია

2 კალათა: პორტუგალია, ნორვეგია (მასპინძელი), ისლანდია, ხორვატია, ესპანეთი, ფარერები

3 კალათა: ავსტრია, ნიდერლანდები, მონტენეგრო, ჩეხეთი, პოლონეთი, ჩრდილო მაკედონია

4 კალათა: საქართველო, სერბეთი, შვეიცარია, რუმინეთი, უკრაინა, იტალია

წილისყრა 15 მაისს დანიაში გაიმართება, სადაც 6 ოთხგუნდიანი ქვეჯგუფი გამოვლინდება. ჯგუფიდან შემდეგ ეტაპზე 2-2 გუნდი გადის.

შეგახსენებთ, რომ საქართველომ ევროპის ჩემპიონატის საგზური თბილისში საბერძნეთის ნაკრებთან გამარჯვებით გაინაღდა.