უეინ რუნიმ ყველა დროის საუკეთესო ფეხბურთელად ლეო მესი დაასახელა და არა ყოფილი თანაგუნდელი კრიშტიანუ რონალდუ.
„ვფიქრობ, მესი ისტორიაში საუკეთესოა. ხშირად მიბრაზდებიან იმის გამო, რომ მას ვასახელებ. იმ კუთხით, რომ: "როგორ შეგიძლია მესი დაასახელო, თუ საუკეთესო რონალდუა?" მესმის, რომ ვიღაცამ შეიძლება მესი დაასახელოს, ვიღაცამ კი რონალდუ - ორივე არაჩვეულებრივია.
შესაძლოა, ისინი ისტორიაში საუკეთესოებიც იყვნენ. ჩემი აზრით, მესის ცოტათი უფრო მეტი ნიჭი აქვს, რაც მე ფეხბურთელებში ძალიან მომწონს და მისი დასახელების მიზეზიც სწორედ ეს არის.
ზინედინ ზიდანთან თამაშს ვისურვებდი - ის დიდებული იყო. მესი ყველა დროის საუკეთესოა, მაგრამ ზიდანთან თამაშიც საოცრება იქნებოდა. ზიზუ ცივსისხლიანი და მშვიდი იყო, ორივე ფეხით თანაბრად თამაშობდა, გოლებსაც იტანდა და ასისტებსაც ასრულებდა." - აღნიშნა ინგლისელმა.
